ഭൂതത്തെപ്പറ്റി ഓർക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ആ ഒരു രൂപമില്ലേ?  അത് അല്പ്പം പേടിപ്പെടുത്തുന്നതായിരിക്കും. അപ്പോൾ ഭൂതകാലത്തെപ്പറ്റി ഓർക്കുമ്പോഴോ? കഴിഞ്ഞുപോയ കാലം എങ്ങനെ 'ഭൂത'കാലമായി? ചിന്തിച്ചിട്ടുണ്ടോ? നമ്മളെ പേടിപ്പെടുത്തുന്ന, വേദനിപ്പിക്കുന്ന എന്തോക്കൊയോ ആയതുകൊണ്ടാണോ? ശരിയല്ലല്ലോ. 🤔. ഭൂതകാലത്തിൽ ഒരുപാട് നല്ല ഓർമ്മകളും ഉണ്ടായിരുന്നു. പക്ഷെ, അവയെപ്പറ്റി ഓർക്കുമ്പോൾ, അവയൊക്കെ പെട്ടെന്ന് കടന്ന് പോയല്ലോ എന്ന വേദനയിലേക്കും നമ്മൾ ചെന്നെത്തിയേക്കാം എന്ന കാര്യം മറക്കരുത്. അങ്ങനെ ചിന്തിക്കുമ്പോൾ ഈ ഭൂതകാലം എന്നുള്ളത് നമ്മളെ പേടിപ്പിക്കുന്ന അല്ലെങ്കിൽ വേദനിപ്പിക്കുന്ന ഒരു... Continue Reading →

മതിലുകളിൽ ബഷീർ, അനിയൻ ജയിലരോട് പറയുന്നുണ്ട്; എല്ലാവരും സ്വന്തം കഥ എഴുതാൻ തുടങ്ങിയാൽ പേപ്പറും മഷിയുമൊക്കെ തികയാതെ വരുമെന്ന്. ഹാ.. പിന്നെ, നാസ്‌തെൻക, ദസ്തയേവ്സ്കിയുടെ 'വെളുത്ത രാത്രി'കളിലെ നായിക, നായകനോട് അയാളുടെ ജീവിത കഥ പറയാൻ ആവശ്യപ്പെടുന്നുണ്ട് . തനിക്കു കഥയില്ലെന്ന നായകന്റെ മറുപടി കേട്ട് പൊട്ടിച്ചിരിച്ചുകൊണ്ട് അവൾ ചോദിക്കുന്നു .. "കഥയില്ലെങ്കിൽ പിന്നെങ്ങനെ ജീവിച്ചു? " അതെ... ഓരോ മനുഷ്യ ജീവിതവും ഓരോ കഥയാണ്. 'ഇമ്മിണി ബല്യ കത'😆. അതൊക്കെ പോട്ടെ.. പറഞ്ഞു വന്നത്... ഹ്യൂമൻ... Continue Reading →

വീടിന് മുറ്റത്ത് രണ്ട് ഗോള് പോസ്റ്റുയർന്നു. (അതേയ്... പാണലിന്റെ രണ്ട് കമ്പ് സമാന്തരമായി മുറ്റത്തിട്ടു. അതിനാണ് 🤭.) അഞ്ച് വയസ്സുകാരൻ ശബരി പറഞ്ഞു. "ഉണ്ണിമാമാ, എനിക്ക് ഇഷ്ടപ്പെട്ട കളിയെതാന്ന് അറിയോ? ഫുട്ബാള് . നമ്മുക്ക് കളിച്ചാലോ?" ശബരി തന്നെ നിയമങ്ങൾ നിശ്ചയിച്ചു. തുടർന്ന് അവൻ പറഞ്ഞു. " ഞാൻ ക്രിസ്ത്യാനോ റൊണാൾഡോ. ഉണ്ണിമാമൻ മെസ്സി ". കളി തുടങ്ങി 🤗. മെസ്സിയുടെ കരുത്തിൽ അർജന്റീന ലോകകപ്പ് നേടിയിട്ട് ഒരാഴ്ച പോലുമായിട്ടില്ല. എങ്കിലും ശബരിക്ക് കൂടുതൽ ഇഷ്ടം ക്രിസ്ത്യാനോ... Continue Reading →

"അച്ഛാ, ഈ പേര് ഓർത്ത് വെച്ചോ. കാർലോസ് അൽക്കേറെസ് ഗാർഷ്യ. ഇത്തവണ യു. എസ് ഓപ്പൺ ചാമ്പ്യനാണ്. പത്തൊൻപത് വയസെയുള്ളു." പാതിരാത്രിയിലാണ് ഫൈനൽ ഉണ്ടായിരുന്നത്. നദാലിന്റെയും ഫെഡററിന്റെയും കളികൾ മാത്രമേ മുഴുവൻ ഇരുന്ന് കാണുകയുണ്ടായിരുന്നുള്ളൂ. അവരൊക്കെ വിരമിക്കാറായി.( ഇത് എഴുതുന്നതിനിടയിൽ ഫെഡറർ വിരമിച്ചെന്ന വാർത്ത കേട്ടു.) ഫെഡറർ - നദാൽ - ജോക്കോവിച് ത്രയത്തിന്റെ യുഗം ഏതാണ്ട് അസ്തമയം കണ്ട് കഴിഞ്ഞു. ഹാ.. ഇപ്പോൾ പുതിയ കുറെ പിള്ളേർ വന്നിട്ടുണ്ട്. അതിൽ ഒരു ഫേവരിറ്റിനെ തിരഞ്ഞെടുക്കാൻ ഞാൻ... Continue Reading →

മനുഷ്യരെ പലരായി കാണുന്ന ജാതിചിന്ത പോലെ, മറ്റൊരു വലിയ ക്യാൻവാസ് മാത്രമല്ലേ ഈ ദേശസ്നേഹം, ദേശീയത എന്നൊക്കെ പറയുന്നേ? ഈ രാജ്യങ്ങൾ ഉണ്ടായത് എങ്ങനെയാണ്? ഒരു ഭരണസംവിധാനത്തിന് യോജിച്ചതായല്ലേ ഓരോ രാജ്യവും വിഭാവനം ചെയ്തിരിക്കുന്നത്? അല്ലാതെ, മനുഷ്യരെ തമ്മിൽ വ്യക്തമായി വേർതിരിക്കുന്ന ഒന്നും അതിൽ കാണുന്നില്ലലോ. 🤔 മീഡിയ വണ് ലെ ഔട്ട് ഓഫ് ഫോക്കസ് എന്ന പരിപാടിയിൽ, ദേശീയ പതാക എല്ലാ വീടുകളിലും സ്വാതന്ത്ര്യദിനത്തിൽ ഉയർത്തുന്നതിനെപ്പറ്റിയുള്ള ചർച്ചയിൽ അജിംസ് എന്ന പത്രപ്രവർത്തകൻ പറഞ്ഞു. ഇത്രയും ഡൈവേഴ്സിറ്റിയുള്ള... Continue Reading →

പരിചയമില്ലാത്ത ഒരാളോട് പണം കടമായി ചോദിക്കാൻ പോലും മടിയുള്ളവർ ആണ് നമ്മൾ. അപ്പോൾ ഒന്ന് ആലോചിച്ച് നോക്ക്, ഭിക്ഷ ചോദിക്കുന്നവരുടെ അവസ്ഥ. ആ നിസ്സഹായാവസ്ഥ... ശാരീരികമായ ക്ലേശം അനുഭവിക്കുന്നവർക്ക് മാത്രം ഭിക്ഷ കൊടുത്താൽ മതി എന്നാണ് ഞാൻ ഇത് എഴുതുന്നത് വരെയും ചിന്തിച്ചു വച്ചിരുന്നത്. കാരണം എന്റെ ആ നിലപാടിനെ ഛേദിക്കാൻ വേറൊരു യുക്തിയും ന്യായവും എനിക്ക് കണ്ടെത്താൻ കഴിഞ്ഞില്ലായിരുന്നു... ഇത് എഴുതുന്നത് വരെ... ഒരു മുഖത്തിന്റെ ഓർമ്മയിൽ നിന്നാണ് എനിക്കാ ന്യായം കിട്ടിയത്. ഇന്നലെ ഏറ്റുമാനൂർ... Continue Reading →

നിങ്ങളോട് ഒരാൾ ഒരു രഹസ്യം വെളിപ്പെടുത്തുകയാണെന്ന് വിചാരിക്കുക. അയാളെ സംബന്ധിക്കുന്ന ഒരു രഹസ്യമാണെ. അപ്പോൾ നിങ്ങൾക്ക് എന്തായിരിക്കും തോന്നുക. ആ രഹസ്യം എന്തുമായിക്കൊള്ളട്ടെ. അയാൾ നിങ്ങൾക്ക് വലിയ സ്ഥാനമാണ് നൽകുന്നതെന്ന് ചിന്തിക്കാം. അയാൾക്ക് നിങ്ങളിലുള്ള വിശ്വാസമാണ് അത് കാണിക്കുന്നതെന്ന് ചിന്തിക്കാം. പക്ഷെ, അങ്ങനെയാണോ? ഞാൻ ഒരു രഹസ്യം പറഞ്ഞപ്പോഴാണ് ഇതിനെപ്പറ്റി കൂടുതൽ ചിന്തിക്കുന്നത്. രഹസ്യം... ഈ രഹസ്യം എന്ന് പറയുന്നത് പല ലയറായിട്ടുണ്ട്. ചിലപ്പോൾ രഹസ്യം ഒരു മറയായി ഉപയോഗിക്കാൻ സാധിക്കും. ആർക്കും ചേതമില്ലാത്ത ഒരു രഹസ്യം... Continue Reading →

"ഉമ്മച്ചികുട്ടിയൾടെ മൊഞ്ചു ഒന്നും അങ്ങനെ പോയ്‌ പോവില്ല". ഈ സിനിമ ഡയലോഗ് കേട്ട് ചിന്തിച്ചവരാണ് നമ്മൾ ഓരോ മലയാളികളും. അല്ലയോ? ഹാ... ആ മൊഞ്ചിന് ഒരു കാരണം അവർ ധരിക്കുന്ന ഹിജാബ് തന്നെയാണെന്ന് തോന്നിയിട്ടില്ലേ? ആ ഹിജാബാണ് ഇപ്പോൾ വാർത്തകളിൽ നിറയുന്നത്. ഒരു സുഹൃത്ത് ഇന്നലെ പറഞ്ഞു. "ഈ മതങ്ങളൊക്കെയാണ് ഇപ്പോഴത്തെ പ്രശ്നങ്ങൾക്ക് എല്ലാം കാരണം. അതൊക്കെ ഇല്ലാതാകണം, അറ്റ്ലീസ്റ്റ് അതിന്റെ സ്വാധീനമെങ്കിലും കുറയ്ക്കണം." ഈയിടെ വായിച്ച 'സാപ്പിയൻസ്' എന്ന പുസ്തകത്തെപ്പറ്റി അപ്പോൾ ഓർമ്മ വന്നു. മതങ്ങൾ... Continue Reading →

ലക്ഷ്യബോധമില്ലാതെ നടക്കാൻ ഇറങ്ങി. പക്ഷെ, എവിടെയോ എത്തിയപ്പോൾ ഒരു ലക്ഷ്യത്തിലേക്ക് കൂടുതൽ അടുക്കുന്നതായി തോന്നി. മുഖവുരയൊന്നുമില്ലാതെ തുറന്ന് പറയുവാൻ മുതിർന്നു. പക്ഷെ, പറഞ്ഞപ്പോൾ അതൊരു മുഖവുര മാത്രമായ് പോയെന്ന് തോന്നി. വേദനകൾ ഒരു കഥയായി എഴുതുവാൻ തുടങ്ങി. പക്ഷെ, എഴുതി തീർന്നപ്പോൾ അതൊരു കവിതയായ് തോന്നി. വിഷമങ്ങളോർത്ത് കരയുവാൻ തുടങ്ങി. പക്ഷെ, മൊത്തത്തിൽ ഓർത്തുവന്നപ്പോൾ അതൊരു പൊട്ടിച്ചിരിയായി തീർന്നു. തലക്കെട്ടില്ലാതെ എന്തെങ്കിലും എഴുതണമെന്ന് തോന്നി...വെറുതെ. ഹാ.. എഴുതി കഴിഞ്ഞപ്പോൾ, അതിന് തലക്കെട്ടായി  'തലക്കെട്ട്' എന്ന് കൊടുക്കാനും തോന്നി.

ഗാന്ധിജി ക്രമാനുഗതമായി വളർന്ന ഒരു വ്യക്തിത്വത്തിന് ഉടമയായിരുന്നു. ദക്ഷിണാഫ്രിക്കയിൽ ഏഷ്യാക്കാരെയും നീഗ്രോസിനെയും വേറിട്ടു കണ്ട ഒരു ഗാന്ധിജിയെയല്ല പിന്നീട് അദ്ദേഹത്തിന്റെ അവസാന കാലം   നമ്മുക്ക് കാണുവാൻ സാധിക്കുന്നത്. ഒരിക്കൽ വളരെ യാഥാസ്ഥികനായിരുന്ന ഗാന്ധിജി, പിന്നീട് കുറേക്കൂടി ലിബറൽ ആയിരുന്ന നെഹ്രുവിന്റെ കാഴ്ചപ്പാടുകളോട് യോജിക്കുന്നത്  പോലും നമ്മുക്ക് കാണാം. തന്റെ ജീവിതത്തിന്റെ സിംഹഭാഗവും വിദേശശക്തികൾക്കെതിരെ പോരാടുന്നതിലും, രാജ്യത്തിന്റെ അഖണ്ഡത കാത്തു സൂക്ഷിക്കുന്നതിനും വേണ്ടി ഉപയോഗിച്ച ഗാന്ധിജി, സമൂഹത്തിലെ ചില യാഥാർഥ്യങ്ങളോട് തെറ്റായ സമീപനമാണ് സ്വീകരിച്ചിരുന്നതെന്ന് ചിലർക്കെങ്കിലും തോന്നിയേക്കാം. മോഹൻദാസ്... Continue Reading →

ചെങ്ങറ ഭൂസമരത്തെപ്പറ്റി കേട്ടിട്ടുണ്ടോ? എന്റെ നാട്ടിന്ന് ഒരു നാൽപ്പത് കിലോമീറ്റർ ദൂരം പോലുമില്ല  ഈ ചെങ്ങറയിലേക്ക്... ചെങ്ങറ സമരഭൂമിയിലെ ആ  മണ്ഡപത്തിൽ ബുദ്ധന്റെ  ഇരുവശങ്ങളിലായി  അംബേദ്കറിന്റെയും അയ്യൻകാളിയുടെയും ചിത്രങ്ങൾ  നമ്മുക്ക് കാണാം. വോട്ടവകാശമോ റേഷൻകാർഡോ , അങ്ങനെ ഒരു അടയാളവുമില്ലാത്ത ഒരു വിഭാഗം  ജനങ്ങൾ ഇന്നും ഇവിടെ,  എന്റെ ഇത്രയും അടുത്ത്,  ജീവിക്കുന്നുണ്ടെന്ന് വിശ്വസിക്കാൻ ഞാൻ ആദ്യം   പ്രയാസപ്പെട്ടു.   ഇവിടെ ഈ ജനങ്ങൾക്ക്, ഈ സമരഭൂമി  തന്നെയാണ് ജീവിതം. അന്ന് സർക്കാർ ഇവരെ ഈ ഭൂമിയിൽ നിന്ന്... Continue Reading →