ഒരു പേരിലൊക്കെ എന്തിരിക്കുന്നു?

ഹാ … ഈ പെണ്കുട്ടികളുടെയൊന്നും ‘പേരുകളിൽ’ ഞാൻ ഇപ്പോൾ ശ്രദ്ധക്കൊടുക്കാറില്ല. കാരണം ഉണ്ടുവ്വേ… ചുമ്മാതങ് പറഞ്ഞതല്ല. ‘പേര്’ എന്നെ വഴിതെറ്റിച്ച സംഭവങ്ങളുണ്ടായിട്ടുണ്ട്.

സ്കൂൾ കാലഘട്ടത്തിലോ കോളേജിൽ പഠിക്കുന്ന ഘട്ടത്തിലോ എനിക്ക് പേരിന് പറയാൻ പോലും ഒരു ക്രഷ് ഉണ്ടായിരുന്നില്ല. അന്നൊക്കെ അൽപ്പം ബജി… ബജി അല്ലടോ ബജി.. ശെടാ ..ടൈപ്പോ ശരിയാകുന്നില്ലലോ.. ബു ജ്ജി.. ഹാ ഇപ്പൊ ശരിയായി. ഹാ…. അന്നൊക്കെ ഞാൻ ബുജി കളിച്ചു നടക്കുവാരുന്നു എന്നാ പറയാൻ വന്നേ..😅

കോളേജ് കഴിഞ്ഞു ജോലിക്ക് ജോയിൻ ചെയ്ത്, ട്രൈനിംഗിന്റെ സമയത്താണ് അവളെ കാണുന്നത്. ഹോ..എന്റെ സാറേ… ആദ്യമായി പ്രണയം എന്നത് ഞാൻ മനസ്സിലാക്കി. ഒരാളെ കാണുമ്പോൾ ചങ്ക് ഒക്കെ പൊട്ടാൻ പോകുന്ന അവസ്ഥ ഇല്ലേ..അതായിരുന്നു..ഹോ. അവളുടെ ഒരു കൂട്ടുകാരി എന്റെ ബാച്ചിലുണ്ടായിരുന്നു. ആ കൂട്ടുകാരിയുടെ അഭിപ്രായവും പിന്നെ എന്നെ ഫോണിൽ കേൾപ്പിച്ച അവൾ പാടിയ “വരമഞ്ഞളാടിയ രാവിന്റെ മാറിൽ..” .. അതൊക്കെ കാരണമായി ഉണ്ട്. എന്നാലും അവളുടെ പേര് ആണ് എന്നെ കൂടുതൽ ആകർഷിച്ചത്. പേരിലെ വാലാണോ എന്ന് ചോദിക്കല്ലേ? കാരണം അതും ഏതാണ്ട് ഒത്ത് വന്നിരുന്നു.🙃 പക്ഷെ അതല്ല.. പേരിന്റെ ആദ്യ ഭാഗം. അതാണ്. എന്റെ കളിക്കൂട്ടുകാരിയുടെ പേരായിരുന്നു അത്. “ഉണ്ണിചേട്ടായി” എന്ന് വിളിച്ചു എന്റെ പുറകെ നടന്നിരുന്ന കൂട്ടുകാരി.. അവളൊക്കെ ഇപ്പൊ എവിടെ ആണോ എന്തോ.. എന്നാലും ആ പേര് ഇവിടെ വന്നപ്പോൾ ആരോ എനിക്ക് വേണ്ടി ഈ യാദൃശ്ചികത കൊണ്ട് വെച്ചതാണെന്ന് പോലും തോന്നി. അന്ന് തുടർന്നുള്ള മാസങ്ങളിൽ അവളോടുള്ള പ്രേമം എന്റെ മനസ്സിൽ കവിഞ്ഞ് ഒഴുകി.

അതല്ലാതെ വേറെ ഒന്നും നടന്നില്ല കേട്ടോ.. അവളോട് സംസാരിക്കാനുള്ള ശ്രമങ്ങൾ ഒക്കെ ഞാൻ നടത്തി. ഒരു ദിവസം ജോലി കഴിഞ്ഞ് ഇറങ്ങുമ്പോൾ അവളെ താമസിക്കുന്ന സ്ഥലത്ത് ഡ്രോപ്പ് ചെയ്തു എന്നതാണ് ഇതിലെ ഏറ്റവും വലിയ സംഭവം. അതിന് എന്നെ സഹായിച്ച എന്റെ കൂട്ടുകാരിയെയും, പിന്നെ മാറി തന്ന ശ്രീജിത്തിനേം, മാറിത്തന്നില്ലെന്ന് മാത്രമല്ല; അന്ന് തന്നെ അവന്റെ ഒരു പ്രോജെക്ട്മെറ്റിനെക്കൂടി ഡ്രോപ്പ് ചെയ്യാൻ വിളിച്ചോണ്ട് വന്ന ആൽഫിനെയും.. പിന്നെ ആൾട്ടോ കാറിന്റെ ഫ്രണ്ടിൽ ആൽഫിന്റെയും എന്റെയും ഒപ്പം കഷ്ടപ്പെട്ട് ഇരുന്ന ലാലിനെയും ഈ അവസരത്തിൽ നന്ദിയോടെ സ്മരിക്കുന്നു… എന്റെ കിങ്ങിണി കുട്ടിക്കും ഒരു നന്ദി കൊടുക്കണം. സംശയിക്കേണ്ട എന്റെ ആൾട്ടോ കാറിനെ ഞങ്ങൾ വിളിക്കുന്ന പേരായിരുന്നു കിങ്ങിണി. അവൾ അന്ന് ഇന്ഫോപാർക് ഗേറ്റിന്റ് അടുത്തുള്ള ബമ്പിൽ ഇടിച്ചു നാണം കെടുത്തി ഇല്ലായിരുന്നെങ്കിൽ കഥ വേറെ ആകുമെന്ന് വിശ്വസിക്കാനാണ് ഇന്ന് എനിക്കിഷ്ടം. 😝.എന്തായാലും ഒരു പേര് കാരണം എന്നെ കുഴപ്പത്തിലാക്കിയ പെങ്കൊച്ച് പെട്ടെന്ന് തന്നെയങ് കെട്ടിപ്പോയി… ഹാവൂ..😅

രണ്ടാമത്തെ ക്രഷ് ന്റെ കാര്യാണ് കോമഡി. അവളുടെ പേരിന്റെ കൂടെ എന്റേത് ചേർത്താൽ ഒരു സൂപ്പർ സ്റ്റാറായി. 😎..ഞാൻ ഉറപ്പിച്ചു. പണ്ട് ഒന്നാം ക്ലാസ്സിൽ മേലുകാവ്മറ്റം സ്കൂളിൽ ചേർന്ന സമയം അവിടുത്തെ ഹെഡ്മിസ്ട്രെസ്സിനെ കൊണ്ട് പേര് മാറ്റണോയെന്ന് ചോദിപ്പിച്ചതും.. എന്റെ അച്ഛനേം അമ്മയേം പോലും ഞെട്ടിച്ചു കൊണ്ട് ഇപ്പോഴത്തെ ഈ പേര് ഞാൻ പറഞ്ഞതും… രജിസ്റ്ററിൽ ചേർത്തതുമെല്ലാം ഇവളെ കാണാനും സ്നേഹിക്കാനും ആണെന്ന് ഞാൻ ഉറപ്പിച്ചു. പക്ഷെ, അവിടെയും വിധി വെറും ഒരു പേരിൽ ഒന്നുമില്ലായെന്ന് കാട്ടി തന്നു.

അവള് എന്നെ ഒഴിവാക്കി പോയത് ഒരു തേപ്പ് ആരുന്നെന്ന് രണ്ട് വർഷം കഴിഞ്ഞ്, ഇപ്പോൾ ആലോചിക്കുമ്പോഴാണ് മനസ്സിലാകുന്നത്. ഷീ വാസ് സോ പ്രൊഫഷണൽ..😛

മനസ്സിലായോ? തന്റെ പേര് പോലും ചോദിക്കാത്തതിന്റെ കാരണമിതാണ്.. .. ഇനിയിപ്പോ അത് ശ്രീദേവി*യെന്നോ മാനസ*യെന്നോ ആണേൽ പോലും എന്റെ മനസ്സ് പതറില്ല..😏

————————–💐💐————————–

*അവരൊക്കെ സുന്ദരികളും ആദർശവതികളുമായ എന്റെ കഥാപാത്രങ്ങളാണെ..😆

ഒരു മറുപടി കൊടുക്കുക

Fill in your details below or click an icon to log in:

WordPress.com Logo

You are commenting using your WordPress.com account. Log Out /  മാറ്റുക )

Twitter picture

You are commenting using your Twitter account. Log Out /  മാറ്റുക )

Facebook photo

You are commenting using your Facebook account. Log Out /  മാറ്റുക )

This site uses Akismet to reduce spam. Learn how your comment data is processed.

%d bloggers like this: