July 21st

“Those who opted ICICI plz move to the other side. “. July 21st – 2014 ജോലിയിലെ ആദ്യ ദിവസം. എന്തൊക്കെ പറഞ്ഞാലും, ആദ്യം കിട്ടിയ ജോലി ഒരു വികാരമാണ്. ഒരുപാട് നല്ല ഓർമ്മകൾ ആ ആദ്യ ദിവസങ്ങളിൽ എല്ലാവർക്കും ഓർക്കാനും പറയാനും ഉണ്ടായിരിക്കും. ഹാ… എനിക്കും… ഞാൻ ചിന്തിക്കുന്നു. അന്ന് സാലറി അക്കൗണ്ടിനായി തെരഞ്ഞെടുക്കാൻ എന്റെ മുന്നിൽ രണ്ട് ഓപ്ഷൻ ഉണ്ടായിരുന്നു. എഛ്.ഡി.എഫ്.സി.ബാങ്കും icici ബാങ്കും. ഞാൻ എന്റെ കൂടെയുള്ള സുഹൃത്തുക്കളോടൊപ്പം അന്ന് തെരഞ്ഞെടുത്തത് icici ആണ്. പക്ഷെ ആ തീരുമാനത്തിൽ ഞങ്ങൾ എത്തിയത് എങ്ങനെയെന്ന് ഇപ്പോൾ ഓർക്കുന്നില്ല. അതിന് പിന്നിൽ ആരുടെ അഭിപ്രായമായിരുന്നു? ആ..ആ.. എന്തായാലും എന്റെ ആയിരുന്നില്ല, കേട്ടോ. ചില തീരുമാനങ്ങൾ അങ്ങനെയാണ്. നമ്മുടെ ജീവിതത്തിൽ അതെങ്ങനെ വന്നുപ്പെട്ടെന്നാലോചിച്ചാൽ ഒരെത്തും പിടിക്കിട്ടില്ല. ഒരുപക്ഷേ, ആ തീരുമാനം പിന്നീടുള്ള നമ്മുടെ ജീവിതത്തിൽ ഒരുപാട് വ്യത്യാസം വരുത്താൻ ഉതകുന്നതാവും. അതെന്നേ… ഇപ്പോഴും ഞാൻ ഒരു icici കസ്റ്റമറാണ്. അത് കൊണ്ട് ഗുണമാണോ ദോഷമാണോ വന്നതെന്ന് എനിക്ക് ഇപ്പോഴും അറിയില്ല. വെറുതെ ഓരോന്ന് ഇരുന്ന് ചിന്തിച്ചതാണ്. ———————————————-