ഹിജാബ്

“ഉമ്മച്ചികുട്ടിയൾടെ മൊഞ്ചു ഒന്നും അങ്ങനെ പോയ്‌ പോവില്ല”.

ഈ സിനിമ ഡയലോഗ് കേട്ട് ചിന്തിച്ചവരാണ് നമ്മൾ ഓരോ മലയാളികളും. അല്ലയോ? ഹാ… ആ മൊഞ്ചിന് ഒരു കാരണം അവർ ധരിക്കുന്ന ഹിജാബ് തന്നെയാണെന്ന് തോന്നിയിട്ടില്ലേ?

ആ ഹിജാബാണ് ഇപ്പോൾ വാർത്തകളിൽ നിറയുന്നത്.

ഒരു സുഹൃത്ത് ഇന്നലെ പറഞ്ഞു. “ഈ മതങ്ങളൊക്കെയാണ് ഇപ്പോഴത്തെ പ്രശ്നങ്ങൾക്ക് എല്ലാം കാരണം. അതൊക്കെ ഇല്ലാതാകണം, അറ്റ്ലീസ്റ്റ് അതിന്റെ സ്വാധീനമെങ്കിലും കുറയ്ക്കണം.”

ഈയിടെ വായിച്ച ‘സാപ്പിയൻസ്’ എന്ന പുസ്തകത്തെപ്പറ്റി അപ്പോൾ ഓർമ്മ വന്നു. മതങ്ങൾ എങ്ങനെ ആവിർഭവിച്ചു എന്നും പ്രകൃതിയെയും മൃഗങ്ങളെയും ആരാധിച്ചിരുന്ന മനുഷ്യൻ എങ്ങനെ ബഹുദൈവ വിശ്വാസത്തിലേക്ക് എത്തിയെന്നതും, പിന്നീട്‌ അവിടുന്ന് അവൻ ഏകദൈവ വിശ്വസത്തിലേയ്ക്ക് കൂടുതൽ അടുത്തതെന്നും അതിൽ പറയുന്നുണ്ട്.

ങേ!…ഒന്ന് നിർത്തിക്കേ.. ഞാൻ എന്തിനാ ഇപ്പോൾ ഇതൊക്കെ പറയുന്നെ.🤔 . ഞാൻ ഹിജാബിനെ പറ്റിയല്ലേ പറയാൻ വന്നേ.

അതാണല്ലോ അവർക്ക്‌ വേണ്ടത്. കർണാടകയിലെ ഇപ്പോൾ നടക്കുന്ന പ്രശ്‌നത്തിൽ മതം കൊണ്ടുവരുകയെന്നത് ആരുടെയൊക്കെയോ താല്പര്യമാണ്. അത് അവിടെ നിൽക്കട്ടെ..

ഞാൻ ഇപ്പോൾ ചിന്തിക്കുന്നത് ഉടുപ്പിയിലെ ഒരു സ്കൂളിൽ പഠിക്കുന്ന ലുബ്ന ഷെരീഫ് എന്ന കുട്ടിയെപ്പറ്റിയാണ്. അവൾ നന്നായി പഠിക്കുന്ന ഒരു കുട്ടിയാണ്. രണ്ട്‌ മാസം കൂടിയേയുള്ളൂ പരീക്ഷയ്ക്ക് എന്ന് ചിന്തിച്ച് തലേൽ തീ പിടിച്ചു നിൽക്കുന്ന ഒരു കുട്ടിയാണ്.

ലുബ്നയുടെ വീട്ടിൽ ഇന്നലെ ഇതിനെപ്പറ്റി ഒരു ചർച്ച വന്നു. അവളുടെ ഉപ്പൂപ്പ ഒരു കാര്യം അവിടെ ഉറപ്പിച്ചു പറഞ്ഞു.

“ഹാ.. ഇനി കോടതി വിധി വരട്ടെ. ഹിജാബ് ഇടാൻ അവർ സമ്മതിക്കുവാണെൽ അവളെ ഉസ്കൂളിൽ വിടാം. അല്ലേൽ പഠിച്ചത് മതിന്ന് കൂട്ടിക്കൊള്ളാൻ പറയ് ..അവളോട്..”

ഒന്നും പറയാൻ ആവാതെ അവളത് കേട്ട് നിന്നു.

അവളുടെ ആ മൗനത്തിനാണ് നമ്മൾ ഓരോരുത്തരും ഉത്തരം പറയേണ്ടത്.

ഈ കഥ കേട്ടപ്പോൾ ആരോ ചോദിച്ചു.

“മത വിഭാഗങ്ങളുടെ ഈ ഇടുങ്ങിയ ചിന്താഗതിയല്ലേ മാറ്റേണ്ടത്?”

ശരിയാണ്. ഒരു അഭിപ്രായം പറയാം. മതം എന്നത് തീർത്തും വ്യക്തിപരമായ കാര്യമാണ്. ആർക്കും ശല്യമുണ്ടാക്കാത്ത രീതിയിൽ അതിൽ വിശ്വസിക്കാനും അതിന് അനുസരിച്ച് ജീവിക്കാനും ഭരണഘടന നമ്മളെ അനുവദിക്കുന്നുണ്ട്. ഒരു വ്യക്തി എന്നു പറയുമ്പോൾ ജീവിത പരിസരത്തിന്റെയും ലഭിക്കുന്ന വിദ്യാഭാസത്തിന്റെയും നിർമിതിയാണ്. ആ വിദ്യാഭാസം പോലും ഇവിടെ തടഞ്ഞുകൊണ്ട് എന്ത് പുരോഗനമാണ് നടപ്പാക്കാൻ പോകുന്നത്?

തിരഞ്ഞെടുപ്പുകൾ വരുമ്പോൾ ഇതുപോലെ ഓരോന്ന് പൊങ്ങി വരും. അല്ല..മനപ്പൂർവം ആരൊക്കെയോ പൊക്കുന്നതാണ്. അത് കഴിയുമ്പോൾ എല്ലാവരും അത് മറക്കും. നാട് പഴയ പടിയാകും. പക്ഷെ, ഇവിടെ നഷ്ടം സംഭവിക്കുന്നത് ലുബ്നമാർക്ക് മാത്രമാണ്.

NB: എനിക്ക് ഹിജാബ് ധരിക്കുന്ന ധാരാളം സുഹൃത്തുക്കളുണ്ട്. ഹിജാബ് ധരിക്കാത്ത സുഹൃത്തുക്കളും ഉണ്ട്. അവർക്ക് നല്ല വിദ്യാഭ്യാസവും സാമ്പത്തിക ഭദ്രതയും ലഭിച്ചത് കൊണ്ട് അവർ ധരിക്കുന്ന വേഷം, അവർ തീരുമാനിക്കുന്നത് എന്തോ അതാണ്. ( ഇതിൽ യൂണിഫോറത്തിന്റെ കാര്യമൊക്കെ പറഞ്ഞ് ഇളക്കാൻ വരുന്നവരോട് – നീ ഒക്കെ എന്നാ ഉണ്ടാക്കാൻ പോവാ..😡)

4 പ്രതികരണങ്ങള്‍ “ഹിജാബ്”

  1. ഇപ്പൊ ആരോടും ഒന്നും പറയാൻ പറ്റാത്ത അവസ്ഥ ആണ്…. പറഞ്ഞാല് അപ്പോ മതം പറഞ്ഞോണ്ട് വരും…

    Liked by 1 person

  2. ഇവിടെ പ്രസക്തം വയലാറിന്റെ ഈ വരികളാണ് :
    “മനുഷ്യൻ മതങ്ങളെ സൃഷ്ടിച്ചു
    മതങ്ങൾ ദൈവങ്ങളെ സൃഷ്ടിച്ചു
    മനുഷ്യനും മതങ്ങളും ദൈവങ്ങളും ചേർന്ന്
    മണ്ണ് പങ്കുവച്ചു
    മനസ്സ് പങ്കുവച്ചു”

    സാപിയൻസിലും നന്നായി കാര്യകാരണങ്ങൾ വിശദീകരിച്ച വരികളാണിവ.

    Liked by 1 person

arunchittar93 ന് മറുപടി കൊടുക്കുക മറുപടി റദ്ദാക്കുക

Fill in your details below or click an icon to log in:

WordPress.com Logo

You are commenting using your WordPress.com account. Log Out /  മാറ്റുക )

Twitter picture

You are commenting using your Twitter account. Log Out /  മാറ്റുക )

Facebook photo

You are commenting using your Facebook account. Log Out /  മാറ്റുക )

This site uses Akismet to reduce spam. Learn how your comment data is processed.

%d bloggers like this: