അവൾ മിൽക്ക് ഷെയ്ക്ക് ഉണ്ടാക്കുകയാണ്…

####പണ്ട് എപ്പോഴോ എഴുതിവെച്ചതാണ് ഈ ബ്ലോഗ്. പക്ഷെ അന്നേരം എന്തോ, പബ്ലിഷ് ചെയ്യാൻ മടി തോന്നി. കഴിഞ്ഞ ദിവസം വായിച്ചപ്പോൾ എനിക്ക് തന്നെ ചിരി വന്നു. ഈ എഴുതിയത് വലിയ അബദ്ധം ആണെങ്കിലും ഈ കൊറോണ ടൈമിൽ നിങ്ങടെ കുറച്ചു സമയം ഞാൻ അപഹരിക്കുന്നു… ####

__________________________________

---

—- അവൾ മിൽക്ക് ഷെയ്ക്ക് ഉണ്ടാക്കുകയാണ്… —-

അയ്യോ…അവൾ അല്ല..അവിൽ മിൽക്ക് ഷെയ്ക്ക് ആണേ ഉദ്ദേശിച്ചത്.🤗.. first twist.

ആദ്യമായി അവിൽ മിൽക്ക് ഷെയ്ക്ക് ഉണ്ടാക്കാൻ വേണ്ട സാഹചര്യങ്ങൾ പരിഗണിക്കാം..

1. നാട് മുഴുവൻ ഒരു സൂക്ഷ്മ വസ്തുവിനെ പേടിച്ചു കഴിയുന്ന അവസ്ഥ. (മനുഷ്യൻ ഇത്ര ഒക്കെയെ ഉള്ളൂ എന്ന് മനസ്സിലാക്കുന്നു.)

2.ലോക്ക് ഡൗണ് ഇൽ പെട്ട് പണിയൊന്നുമില്ലാതെ വീട്ടിലിരിക്കുന്ന അവസ്‌ഥ.

(എനിക്കല്ലേൽ എന്ത് പണിയാണെന്നോ?….🙄

ആരേലും എന്തേലും ചോദിച്ചാരുന്നോ?.എനിക്കൊന്നും കേൾക്കാൻ പറ്റുന്നില്ല.)

3. വീട്ടിൽ പശുകറവ ഉണ്ടായിട്ടും പാല് വിൽക്കാതെ ‘അയ്‌ലോക്കക്കാർക്ക്’ തൈരായും മോരായും, സൗഹൃദം ഊട്ടിയുറപ്പിക്കാനായത് ഉപയോഗിക്കുന്ന ഒരു അമ്മയുടെ മകന്റെ അവസ്ഥ..( അച്ഛനും അമ്മയും കൂടി പശുവിനെ വളർത്തുന്നു..പരിപാലിക്കുന്നു…കറക്കുന്നു…ഇഷ്ടമുള്ളവർക്ക് കൊടുക്കുന്നു.. അതിന് ഈ മകനെന്താണെന്നു ചോദിക്കരുത്..)

—-വീട്ടിൽ പാല് അധികമായി ഉണ്ടെന്ന അവസ്ഥ കാണിക്കാൻ ശ്രമിച്ചപ്പോൾ അങ്ങനെ പറഞ്ഞു പോയതാണെ.

അതുകൊണ്ട് തന്നെ ആണ് ആ അമ്മ മകനോട് ഇങ്ങനെ ചോദിച്ചത്..

“നിനക്ക് മിൽക്ക് ഷെയ്ക്കൊ വല്ലോം ഉണ്ടാക്കി കുടിക്കത്തില്ലേ..?”

“പിന്നെന്താ”

First step : യൂട്യൂബിൽ സെർച്ച് ടാബിൽ ടൈപ്പ് ചെയ്യുക..ഹൗ ടു മേക്ക് മിൽക്ക് ഷെയ്ക്ക്..(question മാർക്ക് വേണ്ടേ? വേണ്ടെങ്കിൽ വേണ്ട..)

ഒരു പാട് ഓപ്ഷൻസ് മുൻപിൽ തെളിഞ്ഞു വന്നു..അതിൽ അവിൽ മിൽക്ക് ഷെയ്ക്ക് ഉണ്ടാക്കുന്ന വിധം പഠിക്കാൻ തീരുമാനിച്ചു..പഠിച്ചു..നല്ല വൃത്തിയായി തന്നെ പഠിച്ചു..

“അമ്മച്ചി ഞാൻ എത്തി…എവിടെ എനിക്ക് വേണ്ട ഐറ്റംസ്?

അവല്..പഴം… ഐസ്ക്യൂബ്‌സ്…പിന്നെ അണ്ടിപ്പരിപ്പ്”

“പഴോം ഐസും പിന്നെ കുറച്ച് അണ്ടിപ്പരിപ്പും കാണും. അവല് വേണന്ന് നിർബദാണെൽ കടെ പോകണം….”

ചിന്തിച്ചു🤔 കടെൽ പോണോ? ….. കടയിൽ പോകുന്നത് ഈ ടൈമിൽ റിസ്ക് ആണ്. കൊറോണ പിടിച്ചാലോ?(…ഛെ.. അല്ലാതെ മടിയായിട്ടല്ല.)

സിസ്റ്റം റീബൂട്ടിങ്….

അവിൽ മിൽക്ക് ഷെയ്ക്ക് വേണ്ട…തല്ക്കാലം ബനാനാ മിൽക്ക് ഷെയ്ക്ക് ഉണ്ടാക്കാം..ഉള്ളത് വെച്ച്.. വായിക്കുന്നവർ പ്രശ്നം ഉണ്ടാക്കാൻ വരുകയാണെങ്കിൽ ‘ഏപ്രിൽ ഫൂളി’ന്റെ തലയിൽ കെട്ടി വയ്ക്കാം.😉… second twist. ####(ഇത് എഴുതിയത് ഏപ്രിൽ മാസം എപ്പോഴോ ആണെന്ന് തോന്നുന്നു.😆)####

അങ്ങനെയെങ്കിൽ ബനാനാ മിൽക്ക് ഷെയ്ക്കിനുള്ള സാധനങ്ങൾ റെഡി..

ഒന്നേ കാൽ ഗ്ലാസ് പാല്. തിളപ്പിച്ചു ആറിച്ചതാണെൽ നന്ന്..

2 എത്തപ്പഴം..(തൊലി പൊളിക്കാൻ പ്രത്യേകം പറയണോ? ആദ്യമായിട്ട് ആയതുകൊണ്ടാണെ..)

8-10 അണ്ടിപ്പരിപ്പുകൾ..

ആവശ്യത്തിന് ഐസ്ക്യൂബ്‌സ്..

ആവശ്യത്തിന് പഞ്ചസാര…

മിക്സിയിൽ ഇട്ടു അടിച്ച് എടുത്താൽ മതി..

സ്വാദിഷ്ടമായ ബനാനാ മിൽക്ക് ഷെയ്ക്ക് തയ്യാർ..

കുടിച്ച് തീരാറായപ്പോഴാണ് ഫോട്ടോ എടുക്കുന്നതിനെപ്പറ്റി ആലോചിച്ചത്..

🙄🙄🙄🙄

NB:

“എന്തേലും പ്രയോജനമുള്ള കാര്യം പറയടോ..വെറുതെ മനുഷ്യന്റെ സമയം കളയാനായി ഓരോരുത്തന്മാർ ഇറങ്ങിക്കൊള്ളും..”

🙄🙄🙄🙄

എന്നാ പിടിച്ചോ..😉. third twist.

_______________💐💐💐_________________

മഹാഭാരതത്തിൽ നിന്ന്…

പാണ്ഡവരുടെ സ്വർഗാരോഹണം.

ഓരോരുത്തരായി ആ ജേഷ്‌ഠന്റെ പുറകിൽ വീണ് കൊണ്ടിരുന്നു. തിരിഞ്ഞു പോലും നോക്കാതെ ജേഷ്‌ഠൻ യാത്ര തുടരുന്നത് കണ്ട ഒരു അനുജൻ അത്ഭുതപ്പെട്ടു. അവന്റെ വിഷമം മനസ്സിലാക്കിയ ആ ജേഷ്‌ഠൻ അവർ ചെയ്ത പാപങ്ങളാണ് ആ വീഴ്ചയ്ക്ക് പിന്നിൽ എന്നു അവനോട് വിശദീകരിച്ചു.

അവസാനം ആ അനുജനും വീണു. ആ കിടപ്പിൽ താൻ ചെയ്ത പാപം എന്താണെന്ന് ജേഷ്‌ഠനോട് അവൻ ആരാഞ്ഞു.

ജേഷ്‌ഠൻ പറഞ്ഞു..

“ആഹാരം കഴിക്കുമ്പോൾ മറ്റുള്ളവർക്ക് ലഭിക്കുന്നുണ്ടോ എന്ന് നീ ആലോചിച്ചിരുന്നില്ല. ആ സ്വാർഥതയുടെ ഫലമാണ് ഈ വീഴ്ച.”

———————–
സ്വാർഥതയും അഹങ്കാരവുമുള്ളവർക്ക് സ്വർഗാരോഹണം വിഷമകരമാണ്. അവർ മഹാപ്രസ്ഥാന യാത്രയിൽ തളർന്നുവീഴും. ലോകത്തെവിടെയും അമിതമായി ആഹരിക്കുകയും അപരന്റെ വിശപ്പ് കാണാതിരിക്കുകയും ചെയ്യുന്നവൻ ഈ ഭീമസേനനെപ്പോലെ യാത്രയിൽ തളർന്നു വീഴും.

_______________________

അതൊക്കെ പോട്ടെ ഞാൻ പറഞ്ഞു വന്നത്..

“നിങ്ങള് വല്ലോം കഴിച്ചാരുന്നോ?”🙄