ഹാപ്പി ബർത്ത്ഡേ നീതുചേച്ചി 💐🎂💐

അനുജത്തിയില്ലാത്തത് എന്റൊരു ദുഃഖമാണെന്ന് ഞാൻ നിങ്ങളോട് പറഞ്ഞിട്ടുണ്ടോ?

കോളേജിൽ പഠിക്കുന്ന സമയത്ത്‌ എന്റെ ഹോസ്റ്റൽ ‘റൂമിയെ’, അവന്റെ അനുജത്തി ഇടയ്ക്കിടെ ഫോൺ വിളിച്ച്  ശല്യപ്പെടുത്തുന്നത് ഞാൻ കണ്ടിട്ടുണ്ട്. അതിലെനിക്ക് അവനോട് അന്ന് ഒരുപാട് അസൂയ തോന്നിയിരുന്നു. മറ്റൊരു സുഹൃത്ത് അനുജത്തിയെ പഠിപ്പിക്കുന്നതും, ഹോം വർക്ക് ചെയ്യാൻ സഹായിക്കുന്നതുമൊക്കെ കാണുമ്പോൾ, എനിക്കും അതുപോലെ ആരെങ്കിലും ഉണ്ടായിരുന്നെങ്കിലെന്ന് ആശിച്ചിട്ടുമുണ്ട്. 

 
ഹാ… മനുഷ്യ ജീവിതത്തിലെ ഒരു പ്രശ്നമതാണ്. എല്ലാ റോളുകളും കിട്ടണമെന്ന് ശാഠ്യം പിടിക്കുന്നത് ശരിയല്ല. തീരെ ശരിയല്ല.

കിട്ടുന്ന റോളുകൾ ഭംഗിയായി ചെയ്യുക എന്നതിലാണത്രേ കാര്യം. കിട്ടിയ റോളൊക്കെ ആദ്യം മര്യാദക്ക് ചെയ്തിട്ട് പോരെ, ചെയ്യാൻ ആഗ്രഹിക്കുന്ന ഒരു റോളിന്റെ പുറകെ പോകാൻ..ല്ലേ?

നിങ്ങളിൽ നിന്ന് ഞാനൊരു ചോദ്യം പ്രതീക്ഷിക്കുന്നു.

“ഡോ, തനിക്ക് ഒരു ചേച്ചിയില്ലേ? ആ ചേച്ചിയ്ക്ക്, ഒരു നല്ല അനിയനായിരിക്കാൻ തനിക്ക് സാധിക്കുന്നുണ്ടോ?”

ഹാ…. ഒരു കാര്യം ഇപ്പോൾ പറയാം. കഴിഞ്ഞ ദിവസം, ഈ ചോദ്യം  എന്നോട് തന്നെ ചോദിച്ചതായിരുന്നു. അതിന് ഒരു കാരണം ഉണ്ടേ. ആ ദിവസം രാവിലെയാണ്, എന്റെ ചേച്ചി വാട്സാപ്പിൽ ഒരു വീഡിയോ ഷെയർ ചെയ്തത്. എന്നോട് അത് ഓർമ്മയുണ്ടോന്ന് ചോദിച്ചുകൊണ്ട്. നൈന്റീസിലെ ഹിന്ദി ഗായകൻ  ലക്കി അലിയുടെ ഒരു സോങ് വീഡിയോ.. 🎸ഓ സനം🎸…. ഞങ്ങൾ കുട്ടിക്കാലത്ത് എം.ടിവിയിൽ സ്ഥിരമായി കേൾക്കാറുണ്ടായിരുന്ന അക്കാലത്തെ ഒരു ഹിറ്റ് ഗാനം.

ഞാൻ ആലോചിച്ചു. ഞങ്ങളങ്ങനെ സോഷ്യൽ മീഡിയയിൽ അധികം ചാറ്റ് ചെയ്യാറില്ല. തമ്മിലുള്ള ഫോൺ വിളികൾ പോലും വളരെ കുറവാണ്. അമ്മയാണ് ഞങ്ങളെ ഇപ്പോൾ കൂടുതലും കണക്ട് ചെയ്യുന്നത്. അമ്മയോട് എന്നും ചോദിക്കുന്ന ഒരു ചോദ്യം ‘ചേച്ചി വിളിച്ചാരുന്നോ?’ എന്നത് മാറ്റി  ‘ശബരി വിളിച്ചാരുന്നോ?’ എന്നാക്കി എന്നതൊഴിച്ചാൽ വേറെ വ്യത്യാസം ഞാൻ വരുത്തിയിട്ടില്ല. (എന്റെ ‘എന്തരവനാണേ‘  ശബരി😍.)

ഞാൻ വീണ്ടും ആലോചിച്ചു.  തമ്മിൽ ഷെയർ ചെയ്യാനായി പഴയ കാര്യങ്ങൾ ഒന്നുമില്ല. കാരണം, ഞങ്ങളുടെ ഓർമ്മകൾ എല്ലാം ഒന്നായിരുന്നു. കണ്ടില്ലേ? പണ്ട് ടി വി യിൽ കാണുമായിരുന്ന ചാനൽ പോലും ഒന്നായിരുന്നു… ഹാ… അന്ന് ഞാൻ എഴുതി.

എപ്പോഴും കൂടെ ഉണ്ടാകണമെന്നില്ല. എന്നും സംസാരിച്ച് ദൃഢപ്പെടുത്താൻ ഒന്നുമില്ല.

We both come from the same place. We grew up together. We received the same sunlight (Lekhamma) and the same shade (Achachi) . We are almost the same. She knows I am here for her and I know she is there for me… ALWAYS…

ലക്കി അലി ആ പാടുന്നത് ഞാനിന്ന് ഒന്നുകൂടെ ശ്രദ്ധിച്ചു കേട്ടു …

aankhon mein basee ho par door ho kaheen,dil ke kareeb ho ye mujhko hai yakeen.

ആ വരികളുടെ അർത്ഥം ഇന്നെനിക്ക് ശരിക്കും മനസ്സിലാകുന്നു.

You live in my eyes but you are far away somewhere,and still I believe that you are somewhere near me..

എന്റെ നീതുചേച്ചിക്ക് പിറന്നാൾ ആശംസകൾ.

‘ഓ സനം’ എന്ന ഗാനം കേൾക്കാൻ…