പൂർണ ഗർഭിണിയായ ഭാര്യയെ മാലോകരുടെ അപവാദം ഭയന്നു കാട്ടിൽ ഉപേക്ഷിച്ച ഒരുവനേക്കാൾ പ്രൗഢി ഇഷ്ടപ്പെട്ട പെണ്ണിനെ നേടിയെടുത്ത്, അവളുടെ സമ്മതത്തിനായി കാത്തുനിന്ന ആ അസുര ചക്രവർത്തിയിൽ കാണുന്നത് ഞാൻ മാത്രമാണോ?
സ്വന്തം കുടുംബത്തെ ഓർക്കാതെ ചൂത് കളിയിൽ എല്ലാം കൊണ്ടു നശിപ്പിച്ച്‌, അവസാനം സ്വന്തം ഭാര്യയെയും ഉപേക്ഷിച്ച ഒരുവനേക്കാൾ പ്രൗഢി കാട്ടിൽ ഒറ്റക്കായ ഒരു പെണ്ണിന് അഭയം കൊടുത്തു, സ്വന്തം ജീവിതത്തിലേക്ക് ക്ഷണിച്ച ആ കാട്ടാളനിൽ കാണുന്നത് തെറ്റാണെന്നു ആരെങ്കിലും പറയുമോ?
എനിക്ക് ഈ ചിന്ത കൈവന്നത് നമ്മളിൽ പലരുടെയും പോട്ടെ (controversial ആക്കുന്നില്ല) ,എന്റെ പൂർവികർ അസുരന്മാരും കാട്ടാളന്മാരും ആണെന്നുള്ള തോന്നലിൽ നിന്നു മാത്രം അല്ല. എന്നെ ഒഴിവാക്കി അവൾ നടന്നകലുമ്പോൾ ഞാൻ അവരുടെ സ്ഥാനത്തേക്ക് നീങ്ങുന്നതായി എനിക്ക് തോന്നുന്നു.ഞാൻ ചരിത്രപരമായ ആ അവഗണനക്കു പാത്രം ആവുകയാണെന്നു തോന്നുന്നു..എന്തായാലും..
Amor fati….
ടെംപസ്റ്റസ് 